عدی بن حاتم (رض) کہتے ہیں کہ جب آیت کریمہ حتى يتبين لکم الخيط الأبيض من الخيط الأسود یہاں تک کہ صبح کا سفید دھاگا سیاہ دھاگے سے ظاہر ہوجائے (سورۃ البقرہ : ١٨٧) نازل ہوئی تو میں نے ایک سفید اور ایک کالی رسی لے کر اپنے تکیے کے نیچے (صبح صادق جاننے کی غرض سے) رکھ لی، میں دیکھتا رہا لیکن پتہ نہ چل سکا، میں نے اس کا ذکر رسول اللہ ﷺ سے کیا تو آپ ہنس پڑے اور کہنے لگے، تمہارا تکیہ تو بڑا لمبا چوڑا ہے، اس سے مراد رات اور دن ہے ۔ عثمان کی روایت میں ہے : اس سے مراد رات کی سیاہی اور دن کی سفیدی ہے ۔ تخریج دارالدعوہ : صحیح البخاری/الصوم ١٦(١٩١٦) ، و تفسیر البقرة ٢٨ (٤٥٠٩) ، صحیح مسلم/الصیام ٨ (١٠٩٠) ، سنن الترمذی/تفسیر البقرة ١٧ (٢٩٧٠ م) ، (تحفة الأشراف : ٩٨٥٦) ، وقد أخرجہ : مسند احمد (٤/٣٧٧) ، سنن الدارمی/الصوم ٧ (١٧٣٦) (صحیح )