ابوہریرہ (رض) سے روایت ہے کہ نبی اکرم ﷺ نے فرمایا : روزہ (برائیوں سے بچنے کے لیے) ڈھال ہے، جب تم میں کوئی صائم (روزے سے ہو) تو فحش باتیں نہ کرے، اور نہ نادانی کرے، اگر کوئی آدمی اس سے جھگڑا کرے یا گالی گلوچ کرے تو اس سے کہہ دے کہ میں روزے سے ہوں، میں روزے سے ہوں ۔ تخریج دارالدعوہ : صحیح البخاری/الصوم ٢ (١٨٩٤) ، ٩ (١٩٠٤) ، سنن النسائی/الصیام ٢٣ (٢٢١٨) ، سنن ابن ماجہ/الصیام ٢١ (١٦٩١) ، (تحفة الأشراف : ١٣٨١٧) ، وقد أخرجہ : صحیح مسلم/الصیام ٣٠ (١١٥١) ، سنن الترمذی/الصوم ٥٥ (٧٦٤) ، موطا امام مالک/الصیام ٢٢ (٥٧) ، مسند احمد (٢/٢٣٢) ، سنن الدارمی/الصوم ٥٠ (١٨١٢) (صحیح )