قیس بن شماس کہتے ہیں کہ نبی اکرم ﷺ کے پاس ایک عورت آئی جس کو ام خلاد کہا جاتا تھا وہ نقاب پوش تھی، وہ اپنے شہید بیٹے کے بارے میں پوچھ رہی تھی، ایک صحابی نے اس سے کہا : تو اپنے بیٹے کو پوچھنے چلی ہے اور نقاب پہنے ہوئی ہے ؟ اس نے کہا : اگر میں اپنے لڑکے کی جانب سے مصیبت زدہ ہوں تو میری حیاء کو مصیبت نہیں لاحق ہوئی ہے، رسول اللہ ﷺ نے فرمایا : تیرے بیٹے کے لیے دو شہیدوں کا ثواب ہے ، وہ کہنے لگی : ایسا کیوں ؟ اللہ کے رسول ! آپ ﷺ نے فرمایا : اس وجہ سے کہ اس کو اہل کتاب نے مارا ہے ۔ تخریج دارالدعوہ : تفرد بہ أبو داود، (تحفة الأشراف : ٢٠٦٨) (ضعیف) (اس کے راوی عبد الخبیر مجہول ہیں )