ابوہریرہ (رض) کہتے ہیں کہ رسول اللہ ﷺ نے فرمایا : سرسبز علاقوں میں سفر کرو تو اونٹوں کو ان کا حق دو ١ ؎ اور جب قحط والی زمین میں سفر کرو تو تیز چلو ٢ ؎، اور جب رات میں پڑاؤ ڈالنے کا ارادہ کرو تو راستے سے ہٹ کر پڑاؤ ڈالو ٣ ؎۔ تخریج دارالدعوہ : تفرد بہ أبو داود، (تحفة الأشراف : ١٢٦٢٦) ، وقد أخرجہ : صحیح مسلم/الإمارة ٥٤ (١٩٢٦) ، سنن الترمذی/الأدب ٧٥ (٢٨٥٨) ، مسند احمد (٢/٣٣٧) (صحیح ) وضاحت : ١ ؎ : یعنی انہیں کچھ دیر چرنے کے لئے چھوڑ دو ۔ ٢ ؎ : تاکہ قحط والی زمین جلدی سے طے کرلو اور سواری کو تکان لاحق ہونے سے پہلے اپنی منزل پر پہنچ جاؤ۔ ٣ ؎ : کیونکہ رات میں راستوں پر زہریلے جانور چلتے ہیں۔