عبداللہ بن عباس (رض) کہتے ہیں کہ رسول اللہ ﷺ نے (اپنی وفات کے وقت) تین چیزوں کی وصیت فرمائی (ایک تو یہ) کہا کہ مشرکوں کو جزیرۃ العرب سے نکال دینا، دوسرے یہ کہ وفود (ایلچیوں) کے ساتھ ایسے ہی سلوک کرنا جیسے میں ان کے ساتھ کرتا ہوں۔ عبداللہ بن عباس (رض) کہتے ہیں : اور تیسری چیز کے بارے میں انہوں نے سکوت اختیار کیا یا کہا کہ (نبی اکرم ﷺ نے ذکر تو کیا) لیکن میں ہی اسے بھلا دیا گیا۔ حمیدی سفیان سے روایت کرتے ہیں کہ سلیمان نے کہا کہ مجھے یاد نہیں، سعید نے تیسری چیز کا ذکر کیا اور میں بھول گیا یا انہوں نے ذکر ہی نہیں کیا خاموش رہے۔ تخریج دارالدعوہ : صحیح البخاری/الجھاد ١٧٥ (٣٠٥٣) ، الجزیة ٦ (٣١٦٨) ، المغازي ٨٣ (٤٤٣١) ، صحیح مسلم/الوصیة ٥ (١٦٣٧) ، (تحفة الأشراف : ٥٥١٧) ، وقد أخرجہ : مسند احمد (١/٢٢٢) (صحیح )