عبدالرحمٰن بن سمرہ (رض) کہتے ہیں کہ مجھ سے نبی اکرم ﷺ نے فرمایا : عبدالرحمٰن بن سمرہ ! جب تم کسی بات پر قسم کھالو پھر اس کے بجائے دوسری چیز کو اس سے بہتر پاؤ تو اسے اختیار کرلو جو بہتر ہے اور اپنی قسم کا کفارہ دے دو ۔ ابوداؤد کہتے ہیں : میں نے احمد سے سنا ہے وہ قسم توڑنے سے پہلے کفارہ دینے کو جائز سمجھتے تھے۔ تخریج دارالدعوہ : صحیح البخاری/الأیمان ١ (٦٦٢٢) ، کفارات الأیمان ١٠ (٦٧٢٢) ، الأحکام ٥ (٧١٤٦) ، ٦ (٧١٤٧) ، صحیح مسلم/الأیمان ٣ (١٦٥٢) ، سنن الترمذی/الأیمان ٥ (١٥٢٩) ، سنن النسائی/ آداب القضاة ٥ (٥٣٨٦) ، (تحفة الأشراف : ٩٦٩٥) ، وقد أخرجہ : مسند احمد (٥/٦١، ٦٢، ٦٣) ، دی/ النذور ٩ (٣٢٩١) (صحیح )