عبداللہ بن زبیر (رض) کہتے ہیں کہ میں نے زبیر (رض) سے پوچھا : آپ رسول اللہ ﷺ سے اور صحابہ کی طرح حدیثیں کیوں نہیں بیان کرتے ؟ تو انہوں نے کہا : اللہ کی قسم مجھ کو رسول اللہ ﷺ سے ایک طرح کی قربت و منزلت حاصل تھی لیکن میں نے آپ کو بیان فرماتے ہوئے سنا ہے : جس نے مجھ پر جان بوجھ کر جھوٹ باندھا اس کا ٹھکانہ جہنم ہے ۔ تخریج دارالدعوہ : صحیح البخاری/العلم ٣٨ (١٠٧) ، سنن ابن ماجہ/المقدمة ٤ (٣٦) ، (تحفة الأشراف : ٣٦٢٣) ، وقد أخرجہ : مسند احمد (١/١٦٥، ١٦٦) ، سنن الدارمی/المقدمة ٢٥ (٢٣٩) (صحیح )