عبداللہ بن عمر (رض) کہتے ہیں کہ رسول اللہ ﷺ نے فرمایا : ہر نشہ آور چیز شراب ہے، اور ہر نشہ آور چیز حرام ہے ١ ؎، اور جو مرگیا اور وہ شراب پیتا تھا اور اس کا عادی تھا تو وہ آخرت میں اسے نہیں پئے گا (یعنی جنت کی شراب سے محروم رہے گا) ۔ تخریج دارالدعوہ : صحیح مسلم/الأشربة ٨ (٢٠٠٣) سنن الترمذی/الأشربة ١ (١٨٦١) ، سنن النسائی/الأشربة ٤٦ (٥٦٧٦، ٥٦٧٧) ، (تحفة الأشراف : ٧٥١٦) ، وقد أخرجہ : صحیح البخاری/الأشربة ١ (٥٥٧٥) ، سنن ابن ماجہ/الأشربة ١ (٣٣٧٧) ، مسند احمد (٢/١٩، ٢٢، ٢٨، ٣٥، ١٩٨، ١٢٣) سنن الدارمی/الأشربة ٣ (٢١٣٥) (صحیح ) وضاحت : ١ ؎ : اس حدیث سے معلوم ہوا کہ بدمست کردینے والی اور نشہ لانے والی چیزوں کو شراب کہا جاتا ہے اور یہ حرام ہے، یہ نشہ آور شراب کھجور سے ہو یا منقی، شہد، گیہوں اور جوار باجرہ سے، یا کسی درخت کا نچوڑا ہوا عرق ہو جیسے تاڑی یا کوئی گھاس ہو جیسے بھانگ وغیرہ۔