مالک بن ابی مریم کہتے ہیں کہ عبدالرحمٰن بن غنم ہمارے پاس آئے تو ہم نے ان سے طلاء ١ ؎ کا ذکر کیا، انہوں نے کہا : مجھ سے ابو مالک اشعری (رض) نے بیان کیا کہ انہوں نے نبی اکرم ﷺ کو فرماتے سنا : میری امت کے کچھ لوگ شراب پئیں گے لیکن اس کا نام شراب کے علاوہ کچھ اور رکھ لیں گے ٢ ؎۔ تخریج دارالدعوہ : سنن ابن ماجہ/الفتن ٢٢ (٤٠٢٠) ، (تحفة الأشراف : ١٢١٦٢) ، وقد أخرجہ : مسند احمد (٥/٣٤٢) (صحیح ) وضاحت : ١ ؎ : طلاء : انگور سے بنا ہوا ایک قسم کا شیرہ ہے۔ ٢ ؎ : جیسے اس زمانے میں تاڑی اور بھانگ استعمال کرنے والے اسے شراب نہیں سمجھتے حالانکہ ہر نشہ لانے والی چیز شراب ہے اور وہ حرام ہے۔