عبداللہ بن عمر (رض) کہتے ہیں کہ میں رسول اللہ ﷺ کے زمانے میں رات کو مسجد میں سوتا تھا، میں ایک نوجوان کنوارا (غیر شادی شدہ) تھا، اور کتے مسجد میں آتے جاتے اور پیشاب کرتے، کوئی اس پر پانی نہ بہاتا تھا ١ ؎۔ تخریج دارالدعوہ : صحیح البخاری/الوضوء ٣٣ (١٧٤) ، تعلیقًا (تحفة الأشراف : ٦٧٠٤) ، وقد أخرجہ : مسند احمد (٢/٧١) (صحیح ) وضاحت : ١ ؎ : اس حدیث سے معلوم ہوا کہ زمین میں اگر پیشاب وغیرہ پڑجائے پھر وہ زمین خشک ہوجائے تو وہ پاک ہوجاتی ہے ، نیز مسجد میں سونا درست اور جائز ہے۔