عمران بن حصین (رض) کہتے ہیں نبی اکرم ﷺ نے داغنے سے منع فرمایا، اور ہم نے داغ لگایا تو نہ تو اس سے ہمیں کوئی فائدہ ہوا، نہ وہ ہمارے کسی کام آیا۔ ابوداؤد کہتے ہیں : وہ فرشتوں کا سلام سنتے تھے جب داغ لگوانے لگے تو سننا بند ہوگیا، پھر جب اس سے رک گئے تو سابقہ حالت کی طرف لوٹ آئے (یعنی پھر ان کا سلام سننے لگے) ۔ تخریج دارالدعوہ : تفرد بہ أبو داود، (تحفة الأشراف : ١٠٨٤٥) ، وقد أخرجہ : سنن الترمذی/الطب ١٠ (٢٠٩٤) ، سنن ابن ماجہ/الطب ٢٣ (٣٤٩١) ، مسند احمد (٤/٤٤٤، ٤٤٦) (صحیح )