ام المؤمنین عائشہ (رض) کہتی ہیں کہ نبی اکرم ﷺ سے جب کوئی اپنی بیماری کی شکایت کرتا تو آپ اپنا لعاب مبارک لیتے پھر اسے مٹی میں لگا کر فرماتے : تربة أرضنا بريقة بعضنا يشفى سقيمنا بإذن ربنا یہ ہماری زمین کی خاک ہے ہم میں سے بعض کے لعاب سے ملی ہوئی ہے تاکہ ہمارا بیمار ہمارے رب کے حکم سے شفاء پا جائے ۔ تخریج دارالدعوہ : صحیح البخاری/الطب ٣٨ (٥٧٤٥) ، صحیح مسلم/السلام ٢١ (٢١٩٤) ، سنن ابن ماجہ/الطب ٣٦ (٣٥٢١) ، (تحفة الأشراف : ١٧٩٠٦) ، وقد أخرجہ : مسند احمد (٦/٩٣) (صحیح )