قتادہ کہتے ہیں ہم نے انس بن مالک (رض) سے پوچھا : رسول اللہ ﷺ کو کون سا لباس زیادہ محبوب یا زیادہ پسند تھا ؟ تو انہوں نے کہا : دھاری دار یمنی چادر ١ ؎۔ تخریج دارالدعوہ : صحیح البخاری/اللباس ١٨ (٥٨١٢) ، صحیح مسلم/اللباس ٥ (٢٠٧٩) ، (تحفة الأشراف : ١٣٩٥) ، وقد أخرجہ : سنن الترمذی/اللباس ٤٥ (١٧٨٧) ، الشمائل ٨ (٦٠) ، مسند احمد (٣/١٣٤، ١٨٤، ٢٥١، ٢٩١) (صحیح ) وضاحت : ١ ؎ : حبرہ : یمن کے اچھے کپڑوں کو کہتے تھے ، اور یہاں اس سے یمن کی لال رنگ کی خط دار چادر جو سوت یا کتان کی ہوتی تھی مراد ہے ، اور اس کا شمار عرب کے بہترین کپڑوں میں تھا۔