عبدالرحمٰن کہتے ہیں میں نے ابو سعید خدری (رض) سے تہ بند کے متعلق پوچھا تو وہ کہنے لگے : اچھے جانکار سے تم نے پوچھا ہے، رسول اللہ ﷺ نے فرمایا : مسلمان کا تہ بند آدھی پنڈلی تک رہتا ہے، تہ بند پنڈلی اور ٹخنوں کے درمیان میں ہو تو بھی کوئی حرج یا کوئی مضائقہ نہیں، اور جو حصہ ٹخنے سے نیچے ہوگا وہ جہنم میں رہے گا اور جو اپنا تہ بند غرور و تکبر سے گھسیٹے گا تو اللہ اسے رحمت کی نظر سے نہیں دیکھے گا ۔ تخریج دارالدعوہ : سنن ابن ماجہ/اللباس ٦ (٣٥٧٣) ، (تحفةالأشراف : ٤١٣٦) ، وقد أخرجہ : موطا امام مالک/اللباس ٥ (١٢) ، مسند احمد (٣/٥، ٣١، ٤٤، ٥٢، ٩٧) (صحیح )