اس سند سے بھی حذیفہ (رض) سے یہی حدیث مرفوعاً مروی ہے اس میں ہے کہ ان دنوں میں اگر مسلمانوں کا کوئی خلیفہ (حاکم) تمہیں نہ ملے تو بھاگ کر (جنگل میں) چلے جاؤ یہاں تک کہ وہیں مرجاؤ، اگر تم درخت کی جڑ چبا چبا کر مرجاؤ (تو بہتر ہے ایسے بےدینوں میں رہنے سے) اس روایت کے آخر میں یہ ہے کہ میں نے کہا : پھر اس کے بعد کیا ہوگا ؟ آپ ﷺ نے فرمایا : اگر کسی کی گھوڑی بچہ جننا چاہتی ہو تو وہ نہ جن سکے گی یہاں تک کہ قیامت آجائے گی ١ ؎۔ تخریج دارالدعوہ : انظر حدیث رقم : ٤٢٤٤، (تحفة الأشراف : ٣٣٣٢) (حسن ) وضاحت : ١ ؎ : یعنی اس کے بعد قیامت بہت قریب ہوگی۔