ابوالدرداء (رض) کہتے ہیں کہ رسول اللہ ﷺ نے فرمایا : (دجال سے) جنگ کے روز مسلمانوں کا جماؤ غوطہٰ میں ہوگا، جو اس شہر کے ایک جانب میں ہے جسے دمشق کہا جاتا ہے، جو شام کے بہترین شہروں میں سے ہے ۔ تخریج دارالدعوہ : تفرد بہ أبوداود، (تحفة الأشراف : ١٠٢٦) ، وقد أخرجہ : مسند احمد ( ٥/١٩٧) (صحیح ) عبداللہ بن عمر (رض) کہتے ہیں کہ رسول اللہ ﷺ نے فرمایا : قریب ہے کہ مسلمان مدینہ میں محصور کردیئے جائیں یہاں تک کہ ان کی عملداری صرف مقام سلاح تک رہ جائے ۔ تخریج دارالدعوہ : انظر حدیث رقم : (٤٢٥٠) ، (تحفة الأشراف : ٧٨١٨) (صحیح )