ربعی بن حراش کہتے ہیں کہ حذیفہ (رض) اور ابن مسعود (رض) اکٹھا ہوئے تو حذیفہ نے کہا : دجال کے ساتھ جو چیز ہوگی میں اسے خوب جانتا ہوں، اس کے ساتھ ایک نہر پانی کی ہوگی اور ایک آگ کی، جس کو تم آگ سمجھتے ہو گے وہ پانی ہوگا، اور جس کو پانی سمجھتے ہو گے وہ آگ ہوگی، تو جو تم میں سے اسے پائے اور پانی پینا چاہے تو چاہیئے کہ وہ اس میں سے پئے جسے وہ آگ سمجھ رہا ہے کیونکہ وہ اسے پانی پائے گا۔ ابومسعود بدری (رض) کہتے ہیں : اسی طرح میں نے رسول اللہ ﷺ کو فرماتے سنا۔ تخریج دارالدعوہ : صحیح البخاری/أحادیث الأنبیاء ٥٠ (٣٤٥٠) والفتن ٢٦ (٧١٣٠) ، صحیح مسلم/الفتن ٢٠ (٢٩٣٤) ، (تحفة الأشراف : ٣٣٠٩) ، وقد أخرجہ : مسند احمد (٥/٣٩٥، ٣٩٩) (صحیح )