ابوالدرداء (رض) سے روایت ہے کہ نبی اکرم ﷺ نے فرمایا : جس نے سورة الکہف کی ابتدائی دس آیتیں یاد کرلیں وہ دجال کے فتنہ سے محفوظ رہے گا ۔ ابوداؤد کہتے ہیں : اسی طرح ہشام دستوائی نے قتادہ سے روایت کیا ہے مگر اس میں ہے : جس نے سورة الکہف کی آخری آیتیں یاد کیں ، شعبہ نے بھی قتادہ سے کہف کے آخر سے کے الفاظ روایت کئے ہیں۔ تخریج دارالدعوہ : صحیح مسلم/المسافرین ٤٤ (٨٠٩) ، سنن الترمذی/فضائل القرآن ٦ (٢٨٨٦) ، (تحفة الأشراف : ١٠٩٦٣) (صحیح )