ابوہریرہ (رض) کا بیان ہے کہ جب مکہ فتح ہوا تو رسول اللہ ﷺ کھڑے ہوئے اور آپ نے فرمایا : جس کا کوئی قتل کیا گیا تو اسے اختیار ہے یا تو دیت لے لے، یا قصاص میں قتل کرے یہ سن کر یمن کا ایک شخص کھڑا ہوا جسے ابوشاہ کہا جاتا تھا اور اس نے عرض کیا : اللہ کے رسول ! مجھے یہ لکھ دیجئیے (عباس بن ولید کی روایت اکتب لی کے بجائے اکتبوا لی یہ صیغۂ جمع ہے) رسول اللہ ﷺ نے فرمایا : ابو شاہ کے لیے لکھ دو ۔ ابوداؤد کہتے ہیں : اکتبوا لی سے مراد نبی اکرم ﷺ کا خطبہ ہے۔ تخریج دارالدعوہ : انظر حدیث رقم : (٢٠١٧) ، (تحفة الأشراف : ١٥٣٨٣، ١٥٣٦٥) (صحیح )