عبداللہ بن عمرو (رض) سے روایت ہے کہ رسول اللہ ﷺ نے فتح مکہ کے دن خطبہ دیا آپ نے فرمایا : سنو ! جاہلیت کے خون یا مال کی جتنی فضیلتیں بھی تھیں جن کا ذکر کیا جاتا تھا یا جن کے دعوے کئے جاتے تھے وہ سب میرے قدموں تلے ہیں، سوائے حاجیوں کو پانی پلانے اور بیت اللہ کی دیکھ ریکھ کے پھر فرمایا : سنو ! قتل خطا جو کوڑے یا لاٹھی سے ہوا ہو شبہ عمد ہے، اس کی دیت سو اونٹ ہے، جن میں چالیس اونٹنیاں ایسی ہوں گی جن کے پیٹ میں بچے ہوں گے ۔ تخریج دارالدعوہ : انظر حدیث رقم : (٤٥٤٧) ، (تحفة الأشراف : ٨٨٨٩) (حسن ) وضاحت : ١ ؎ : یہ اس سے پہلے حدیث نمبر (٤٥٤٧) کے تحت بھی گزر چکا ہے۔ اس سند سے بھی خالد سے اسی مفہوم کی حدیث مروی ہے۔ تخریج دارالدعوہ : انظر حدیث رقم : (٤٥٤٧) ، (تحفة الأشراف : ٨٨٨٩ )