ابوحمید یا ابواسید انصاری کہتے ہیں کہ رسول اللہ ﷺ نے فرمایا : جب تم میں سے کوئی شخص مسجد میں داخل ہو تو نبی اکرم ﷺ پر سلام بھیجے پھر یہ دعا پڑھے : اللهم افتح لي أبواب رحمتک اے اللہ ! مجھ پر اپنی رحمت کے دروازے کھول دے، پھر جب نکلے تو یہ کہے : اللهم إني أسألک من فضلک اے اللہ ! میں تیرے فضل کا طالب ہوں ۔ تخریج دارالدعوہ : صحیح مسلم/المسافرین ١٠ (٧١٣) ، سنن النسائی/المساجد ٣٦ (٧٣٠) ، (تحفة الأشراف : ١١١٩٦) ، وقد أخرجہ : سنن ابن ماجہ/المساجد والجماعات ١٣ (٧٧٢) ، مسند احمد (٥/ ٤٢٥) سنن الدارمی/الصلاة ١١٥ (١٤٣٤) ، والاستئذان ٥٦ (٧٧٢) (صحیح )