انس (رض) کہتے ہیں کہ ایک شخص نے رسول اللہ ﷺ کو کہا : اے مخلوق میں سے سب سے بہتر ! تو رسول اللہ ﷺ نے فرمایا : یہ شان تو ابراہیم (علیہ السلام) کی ہے ١ ؎۔ تخریج دارالدعوہ : صحیح مسلم/الفضائل ٤١ (٢٣٦٩) ، سنن الترمذی/تفسیر البینة ٨٦ (٣٣٥٢) ، (تحفة الأشراف : ١٥٧٤) ، وقد أخرجہ : مسند احمد (٣/١٧٨، ١٨٤) (صحیح ) وضاحت : ١ ؎ : ممکن ہے خیرالبریۃ ابراہیم (علیہ السلام) کا لقب ہو، وہ اپنے زمانہ کے سب سے بہتر تھے، آپ نے ازراہ انکسار ایسا فرمایا ورنہ آپ یقینا خیرالبریۃ ہیں۔