شریح کہتے ہیں کہ میں نے ام المؤمنین عائشہ (رض) سے دیہات (بادیہ) جانے، وہاں قیام کرنے کے بارے میں پوچھا (کہ کیسا ہے) آپ نے کہا : رسول اللہ ﷺ ان نالوں کی طرف دیہات (بادیہ) جایا کرتے تھے، ایک بار آپ نے باہر دیہات (بادیہ) جانے کا ارادہ کیا تو میرے پاس زکوٰۃ کے اونٹوں میں سے ایک اونٹنی بھیجی، جس پر سواری نہیں کی گئی تھی، اور مجھ سے فرمایا : اے عائشہ ! نرمی کرو، اس لیے کہ جس چیز میں نرمی ہوتی ہے، اسے زینت دیتی ہے اور جس چیز سے بھی نکل جاتی ہے، اسے عیب دار بنا دیتی ہے۔ ابن الصباح اپنی حدیث میں کہتے ہیں : محرم ۃ سے مراد وہ اونٹنی ہے جس پر سواری نہ کی گئی ہو۔ تخریج دارالدعوہ : انظر حدیث رقم : (٢٤٧٨) ، (تحفة الأشراف : ١٦١٥٠) (صحیح )