ابوہریرہ (رض) سے روایت ہے کہ رسول اللہ ﷺ نے فرمایا : میرے نام پر نام رکھو لیکن میری کنیت نہ رکھو ۔ ابوداؤد کہتے ہیں : اسے ابوصالح نے ابوہریرہ سے اسی طرح روایت کیا ہے، اور اسی طرح ابوسفیان، سالم بن ابی الجعد، سلیمان یشکری اور ابن منکدر وغیرہ کی روایتیں بھی ہیں جو جابر (رض) سے مروی ہیں، اور انس بن مالک (رض) کی روایت بھی اسی طرح ہے (یعنی اس میں بھی یہی ہے کہ میرے نام پر نام رکھو اور میری کنیت پر کنیت نہ رکھو) ۔ تخریج دارالدعوہ : صحیح البخاری/العلم ٣٨ (١١٠) ، المناقب ٢٠ (٣٥٣٩) ، الأدب ١٠٦ (٦١٨٨) ، صحیح مسلم/الأداب ١ (٢١٣٤) ، سنن ابن ماجہ/الأدب ٣٣ (٣٧٣٥) ، (تحفة الأشراف : ١٤٤٣٤) ، وقد أخرجہ : مسند احمد (٢/٢٤٨، ٢٦٠، ٢٧٠) ، سنن الدارمی/الاستئذان ٥٨ (٢٧٣٥) (صحیح )