بریدہ (رض) کہتے ہیں کہ رسول اللہ ﷺ نے فرمایا : تم لوگ منافق کو سید نہ کہو اس لیے کہ اگر وہ سید ہے (یعنی قوم کا سردار ہے یا غلام و لونڈی اور مال والا ہے) تو تم نے اپنے رب کو ناراض کیا ١ ؎۔ تخریج دارالدعوہ : سنن النسائی/الیوم واللیة (٢٤٤) ، (تحفة الأشراف : ١٥٤٨٢) ، وقد أخرجہ : مسند احمد (٥/٣٤٦، ٣٤٧) (صحیح ) وضاحت : ١ ؎ : کیونکہ تم نے اسے سید کہہ کر اس کی تعظیم کی حالانکہ وہ تعظیم کا مستحق نہیں اور اگر وہ ان معانی میں سے کسی بھی اعتبار سے سید نہیں ہے تو تمہارا اسے سید کہنا کذب و نفاق ہوگا۔