ابومسعود بدری (رض) کہتے ہیں کہ رسول اللہ ﷺ نے فرمایا : لوگوں کی امامت وہ شخص کرے جو کتاب اللہ کو سب سے زیادہ پڑھنے والا ہو، اگر لوگ قرأت میں برابر ہوں تو ان میں جس نے پہلے ہجرت کی ہو وہ امامت کرے، اگر ہجرت میں بھی برابر ہوں تو ان میں بڑی عمر والا امامت کرے، آدمی کی امامت اس کے گھر میں نہ کی جائے اور نہ اس کی حکومت میں، اور نہ ہی اس کی تکرمہ (مسند وغیرہ) پر اس کی اجازت کے بغیر بیٹھا جائے ۔ شعبہ کا بیان ہے : میں نے اسماعیل بن رجاء سے کہا : آدمی کا تکرمہ کیا ہوتا ہے ؟ انہوں نے کہا : اس کا فراش یعنی مسند وغیرہ۔ تخریج دارالدعوہ : صحیح مسلم/المساجد ٥٣ (٦٧٣) ، سنن الترمذی/الصلاة ٦٢ (٢٣٥) ، سنن النسائی/الإمامة ٣، (٧٨١) ، ٦ (٧٨٤) ، سنن ابن ماجہ/إقامة الصلاة ٤٦ (٩٨٠) ، (تحفة الأشراف : ٩٩٧٦) ، وقد أخرجہ : مسند احمد (٤/ ١١٨، ١٢١، ١٢٢) (صحیح )