عبداللہ بن عمر (رض) کہتے ہیں کہ رسول اللہ ﷺ کی آمد سے پہلے جب مہاجرین اوّلین (مدینہ) آئے اور عصبہ ١ ؎ میں قیام پذیر ہوئے تو ان کی امامت ابوحذیفہ (رض) کے آزاد کردہ غلام سالم (رض) کیا کرتے تھے، انہیں قرآن سب سے زیادہ یاد تھا۔ ہیثم نے اضافہ کیا ہے کہ ان میں عمر بن خطاب (رض) اور ابوسلمہ بن عبدالاسد (رض) بھی موجود ہوتے۔ تخریج دارالدعوہ : صحیح البخاری/الأذان ٥٤ (٦٩٢) ، (تحفة الأشراف : ٧٨٠٠، ٨٠٠٧) (صحیح ) وضاحت : ١ ؎ : مدینہ میں قبا کے پاس ایک جگہ ہے۔