ام المؤمنین عائشہ (رض) فرماتی ہیں کہ رسول اللہ ﷺ نے اپنے گھر میں بیٹھ کر نماز پڑھی اور لوگ آپ کے پیچھے کھڑے ہو کر پڑھنے لگے تو آپ ﷺ نے انہیں بیٹھ جانے کا اشارہ کیا، پھر جب آپ نماز سے فارغ ہوئے تو فرمایا : امام اسی لیے مقرر کیا جاتا ہے کہ اس کی پیروی کی جائے، لہٰذا جب وہ رکوع کرے تو تم بھی رکوع کرو، جب وہ سر اٹھائے تو تم بھی سر اٹھاؤ اور جب وہ بیٹھ کر پڑھے تو تم سب بھی بیٹھ کر پڑھو ۔ تخریج دارالدعوہ : صحیح البخاری/الأذان ٥١ (٦٨٨) ، وتقصیر الصلاة ١٧ (١١١٣) ، ٢٠ (١١١٩) ، (تحفة الأشراف : ١٧١٥٦) ، وقد أخرجہ : صحیح مسلم/الصلاة ١٩ (٤١٢) ، سنن ابن ماجہ/ إقامة الصلاة ١٤٤ (١٢٣٧) ، موطا امام مالک/ صلاة الجماعة ٥ (١٧) ، مسند احمد (٦/١١٤، ١٦٩) (صحیح )