عبداللہ بن سائب (رض) کہتے ہیں کہ رسول اللہ ﷺ نے ہمیں مکہ میں صبح کی نماز پڑھائی، آپ نے سورة مؤمنون کی تلاوت شروع کی یہاں تک کہ جب آپ ﷺ موسیٰ ١ ؎ اور ہارون علیہما السلام، یا موسیٰ اور عیسیٰ (علیہما السلام) کے قصے پر پہنچے (راوی حدیث ابن عباد کو شک ہے یا رواۃ کا اس میں اختلاف ہے) تو آپ ﷺ کو کھانسی آگئی، آپ نے قرآت چھوڑ دی اور رکوع میں چلے گئے، عبداللہ بن سائب (رض) (سابقہ حدیث کے راوی) اس وقت وہاں موجود تھے ٢ ؎۔ تخریج دارالدعوہ : صحیح البخاری/الأذان ١٠٦(٧٧٤ تعلیقاً ) ، صحیح مسلم/الصلاة ٣٥ (٤٥٥) ، سنن النسائی/الافتتاح ٧٦ (١٠٠٨) ، سنن ابن ماجہ/إقامة الصلاة ٥ (٨٢٠) ، (تحفة الأشراف : ٥٣١٣) ، وقد أخرجہ : مسند احمد (٣/٤١١) (صحیح ) وضاحت : ١ ؎ : موسیٰ و ہارون (علیہما السلام) کا ذکر : ثم أرسلنا موسیٰ وأخاه هارون بآياتنا وسلطان مبين (سورۃ المومنون : ٤٥) میں ہے، اور عیسیٰ کا ذکر اس سے چار آیتوں کے بعد : وجعلنا ابن مريم وأمه آية وآويناهما إلى ربوة ذات قرار ومعين (سورۃ المؤمنون : ٥٠) میں ہے۔ ٢ ؎ : اس سے پہلے والی حدیث کی مناسبت باب سے ظاہر ہے اور یہ حدیث اسی حدیث کی مناسبت سے یہاں نقل کی گئی ہے۔