عبداللہ بن عمر (رض) کہتے ہیں کہ رسول اللہ ﷺ جب عید کے دن نکلتے تو برچھی (نیزہ) لے چلنے کا حکم دیتے، وہ آپ ﷺ کے سامنے رکھی جاتی، تو آپ اس کی طرف منہ کر کے نماز پڑھتے، اور لوگ آپ ﷺ کے پیچھے ہوتے، اور ایسا آپ سفر میں کرتے تھے، اسی وجہ سے حکمرانوں نے اسے اختیار کر رکھا ہے۔ تخریج دارالدعوہ : صحیح البخاری/الصلاة ٩٠ (٤٩٤) ، والعیدین ١٣ (٩٧٢) ، ١٤ (٩٧٣) ، صحیح مسلم/الصلاة ٤٧ (٥٠١) ، تحفةالأشراف (٧٩٤٠) ، وقد أخرجہ : سنن النسائی/العیدین ٩ (١٥٦٦) ، سنن ابن ماجہ/ إقامة الصلاة ١٦٤ (١٣٠٥) ، مسند احمد (٢/٩٨، ١٤٢، ١٤٥، ١٥١) ، سنن الدارمی/ الصلاة ١٢٤ (١٤٥٠) (صحیح )