سہل بن ابی حثمہ (رض) سے روایت ہے کہ نبی اکرم ﷺ نے فرمایا : جب تم میں سے کوئی شخص سترے کی آڑ میں نماز پڑھے تو چاہیئے کہ اس کے نزدیک رہے، تاکہ شیطان اس کی نماز توڑ نہ سکے ۔ ابوداؤد کہتے ہیں : اسے واقد بن محمد نے صفوان سے، صفوان نے محمد بن سہل سے، محمد نے اپنے والد سہل بن ابی حثمہ سے، یا (بغیر اپنے والد کے واسطہ کے) نبی اکرم ﷺ سے روایت کیا ہے، اور بعض نے نافع بن جبیر سے اور نافع نے سہل بن سعد (رض) سے، اور اس کی سند میں اختلاف کیا گیا ہے۔ تخریج دارالدعوہ : سنن النسائی/القبلة ٥ (٧٤٩) ، (تحفة الأشراف : ٤٦٤٨) ، وقد أخرجہ : مسند احمد (٤/٢) (صحیح )