ابوصہباء کہتے ہیں کہ ہم نے ابن عباس (رض) کے پاس ان چیزوں کا تذکرہ کیا جو نماز کو توڑ دیتی ہیں، تو انہوں نے کہا : میں اور بنی عبدالمطلب کا ایک لڑکا دونوں ایک گدھے پر سوار ہو کر آئے، رسول اللہ ﷺ نماز پڑھ رہے تھے، ہم دونوں اترے اور گدھے کو صف کے آگے چھوڑ دیا، تو آپ ﷺ نے کچھ پرواہ نہ کی، اور بنی عبدالمطلب کی دو لڑکیاں آئیں، وہ آ کر صف کے درمیان داخل ہوگئیں تو آپ نے اس کی بھی کچھ پرواہ نہ کی۔ تخریج دارالدعوہ : سنن النسائی/القبلة ٧ (٧٥٥) ، (تحفة الأشراف : ٥٦٨٧) ، وقد أخرجہ : مسند احمد (١/٢٣٥) (صحیح )