عبداللہ بن مسعود (رض) کہتے ہیں جب تم میں سے کوئی رکوع کرے تو اپنے دونوں بازؤوں کو اپنی رانوں پر بچھا لے، اور اپنی دونوں ہتھیلیوں کے درمیان تطبیق کرے ١ ؎، گویا میں اس وقت رسول اللہ ﷺ کی انگلیوں کے اختلاف کو دیکھ رہا ہوں۔ تخریج دارالدعوہ : صحیح مسلم/المساجد ٥ (٥٣٤) ، سنن النسائی/المساجد ٢٧ ( ٧٢٠) ، والإمامة ١٨ (٨٠٠) ، والتطبیق ١ (١٠٣٠، ١٠٣١) ، (تحفة الأشراف : ٩١٦٥) ، وقد أخرجہ : مسند احمد (١/٤١٤) (صحیح ) وضاحت : ١ ؎ : ایک ہاتھ کی انگلیوں کو دوسرے ہاتھ کی انگلیوں میں ڈال کر انہیں دونوں رانوں کے بیچ میں رکھنے کو تطبیق کہتے ہیں ، یہ حکم ابتداء اسلام میں تھا پھر منسوخ ہوگیا، ممکن ہے عبداللہ بن مسعود (رض) کو اس کے منسوخ ہونے کا علم نہ ہوا ہو۔