ابوہریرہ (رض) کہتے ہیں کہ صحابہ کرام رضی اللہ عنہم نے آپ سے شکایت کی کہ جب لوگ پھیل کر سجدہ کرتے ہیں تو سجدے میں ہمیں تکلیف ہوتی ہے، تو آپ ﷺ نے فرمایا : زانو (گھٹنے) سے مدد لے لیا کرو ١ ؎۔ تخریج دارالدعوہ : سنن الترمذی/الصلاة ١٠٠ (٢٨٦) ، (تحفة الأشراف : ١٢٥٨٠) ، وقد أخرجہ : مسند احمد (٢/٣٣٩، ٤١٧) (ضعیف) ( محمد بن عجلان کی اس حدیث کو سمی سے ان سے زیادہ ثقہ، اور معتبر رواة نے مرسلا ذکر کیا ہے، اور ابوہریرہ کا تذکرہ نہیں کیا ہے، اس لئے یہ حدیث ضعیف ہے، ملاحظہ ہو : ضعیف ابی داود : ٩ ؍ ٨٣٢ ) وضاحت : ١ ؎ : یعنی کہنیوں کو گھٹنوں پر ٹیک دیا کرو۔