ابوقتادہ (رض) کہتے ہیں کہ رسول اللہ ﷺ نماز پڑھ رہے تھے اور اپنی نواسی امامہ بنت زینب کو کندھے پر اٹھائے ہوئے تھے، جب آپ ﷺ سجدے میں جاتے تو انہیں اتار دیتے اور جب کھڑے ہوتے تو انہیں اٹھا لیتے تھے ١ ؎۔ تخریج دارالدعوہ : صحیح البخاری/الصلاة ١٠٦ (٥١٦) ، والأدب ١٨ (٥٩٩٦) ، صحیح مسلم/المساجد ٩ (٥٤٣) ، سنن النسائی/المساجد ١٩ (٧١٢) ، والإمامة ٣٧ (٨٢٨) ، والسھو ١٣ (١٢٠٥) ، (تحفة الأشراف : ١٢١٢٤) ، وقد أخرجہ : موطا امام مالک/قصر الصلاة ٢٤(٨١) ، مسند احمد (٥/٢٩٥، ٢٩٦، ٣٠٣، ٣٠٤، ٣١٠، ٣١١) ، سنن الدارمی/الصلاة ٩٣ (١٣٩٣) (صحیح ) وضاحت : ١ ؎ : اس حدیث سے معلوم ہوا کہ اگر لڑکا یا لڑکی تنگ کرے اور نماز نہ پڑھنے دے تو اس کو گود میں اٹھا کر یا کندھے پر بٹھا کر نماز پڑھنی درست ہے۔