ابوہریرہ (رض) کہتے ہیں کہ نبی اکرم ﷺ نے فرمایا : جس نے روزے رمضان ایمان کی حالت میں اور ثواب کی نیت سے رکھے اس کے پچھلے تمام گناہ معاف کردیئے جائیں گے، اور جس نے شب قدر میں ایمان کی حالت میں اور ثواب کی نیت سے قیام کیا اس کے بھی پچھلے تمام گناہ معاف کردیئے جائیں گے ۔ ابوداؤد کہتے ہیں : اسی طرح اسے یحییٰ بن ابی کثیر نے ابوسلمہ سے اور محمد بن عمرو نے ابوسلمہ سے روایت کیا ہے۔ تخریج دارالدعوہ : صحیح البخاری/لیلة القدر ١ (٢٠١٤) ، سنن النسائی/الصیام ٢٢ (٢٢٠٤) ، (تحفة الأشراف : ١٥١٤٥) ، وقد أخرجہ : مسند احمد (٢/٢٤١) (صحیح )