عبداللہ بن ابو قیس کہتے ہیں کہ میں نے ام المؤمنین عائشہ (رض) سے رسول اللہ ﷺ کے وتر کے بارے میں پوچھا : انہوں نے کہا : کبھی شروع رات میں وتر پڑھتے اور کبھی آخری رات میں، میں نے پوچھا : آپ کی قرآت کیسی ہوتی تھی ؟ کیا سری قرآت کرتے تھے یا جہری ؟ انہوں نے کہا : آپ ﷺ دونوں طرح سے پڑھتے تھے، کبھی قرآت سری کرتے اور کبھی جہری، کبھی غسل کر کے سوتے اور کبھی وضو کر کے سو جاتے۔ ابوداؤد کہتے ہیں : قتیبہ کے علاوہ دوسروں نے کہا ہے کہ غسل سے عائشہ (رض) کی مراد غسل جنابت ہے۔ تخریج دارالدعوہ : صحیح مسلم/الحیض ٦ (٣٠٧) ، سنن الترمذی/الصلاة ٢١٢ (٤٤٩) ، فضائل القران ٢٣ (٢٩٢٤) ، (تحفة الأشراف : ١٦٢٧٩) ، وقد أخرجہ : سنن النسائی/قیام اللیل ٢١ (١٦٦٣) ، مسند احمد (٦/٧٣، ١٤٩، ١٦٧) (صحیح )