قیس بن طلق کہتے ہیں کہ طلق بن علی (رض) رمضان میں ایک دن ہمارے پاس آئے، شام تک رہے روزہ افطار کیا، پھر اس رات انہوں نے ہمارے ساتھ قیام اللیل کیا، ہمیں وتر پڑھائی پھر اپنی مسجد میں گئے اور اپنے ساتھیوں کو نماز پڑھائی یہاں تک کہ جب صرف وتر باقی رہ گئی تو ایک شخص کو آگے بڑھایا اور کہا : اپنے ساتھیوں کو وتر پڑھاؤ، اس لیے کہ میں نے رسول اللہ ﷺ کو کہتے سنا ہے کہ ایک رات میں دو وتر نہیں ۔ تخریج دارالدعوہ : سنن الترمذی/الصلاة ٢٢٧ (الوتر ١٣) (٤٧٠) ، سنن النسائی/قیام اللیل ٢٧ (١٦٨٠) ، (تحفة الأشراف : ٥٠٢٤) ، وقد أخرجہ : مسند احمد (٤/٢٣) (صحیح )