ام المؤمنین میمونہ (رض) کہتی ہیں کہ میری ایک لونڈی تھی، میں نے اسے آزاد کردیا، میرے پاس نبی اکرم ﷺ تشریف لائے تو میں نے آپ کو اس کی خبر دی، اس پر آپ ﷺ نے فرمایا : اللہ تعالیٰ تمہیں اجر عطا کرے، لیکن اگر تو اس لونڈی کو اپنے ننھیال کے لوگوں کو دے دیتی تو یہ تیرے لیے بڑے اجر کی چیز ہوتی ۔ تخریج دارالدعوہ : تفرد بہ أبو داود، ( تحفة الأشراف : ١٨٠٥٨) ، وقد أخرجہ : صحیح البخاری/الہبة ١٥ (٢٥٩٢) ، صحیح مسلم/الزکاة ١٤ (٩٩٩) ، سنن النسائی/الکبری/المعتق (٤٩٣٢) (صحیح )