صلہ بن زفر کہتے ہیں کہ ہم اس دن میں جس دن کا روزہ مشکوک ہے عمار (رض) کے پاس تھے، ان کے پاس ایک (بھنی ہوئی) بکری لائی گئی، تو لوگوں میں سے ایک آدمی (کھانے سے احتراز کرتے ہوئے) الگ ہٹ گیا اس پر عمار (رض) نے کہا : جس نے ایسے (شک والے) دن کا روزہ رکھا اس نے ابوالقاسم ﷺ کی نافرمانی کی۔ تخریج دارالدعوہ : صحیح البخاری/الصوم ١١(١٩٠٦ تعلیقاً ) ، سنن الترمذی/الصوم ٣ (٦٨٦) ، سنن النسائی/الصیام ٢٠ (٢١٩٠) ، سنن ابن ماجہ/الصیام ٣ (١٦٤٥) ، (تحفة الأشراف : ١٠٣٥٤) ، وقد أخرجہ : سنن الدارمی/الصوم ١(١٧٢٤) (صحیح )