ابوہریرہ (رض) سے روایت ہے کہ رسول اللہ ﷺ نے فرمایا : انبیاء میں سے ایک نبی کو ایک چیونٹی نے کاٹ لیا تو انہوں نے چیونٹیوں کی پوری بستی کو جلا ڈالنے کا حکم دے دیا، اللہ تعالیٰ نے وحی کے ذریعہ انہیں تنبیہ فرمائی کہ ایک چیونٹی کے تجھے کاٹ لینے کے بدلے میں تو نے اللہ تعالیٰ کی تسبیح کرنے والی پوری ایک جماعت کو ہلاک کر ڈالا ۔ تخریج دارالدعوہ : صحیح البخاری/ الجہاد ١٥٣ (٣٠١٩) ، بدء الخلق ١٦ (٣٣١٩) ، صحیح مسلم/ السلام ٣٩ (٢٢٤١) ، سنن النسائی/ الصید ٣٨ (٤٣٦٣) ، سنن ابن ماجہ/ الصید ١٠ (٣٢٢٥) ، (تحفة الأشراف : ١٣٣١٩، ١٥٣٠٧) ، وقد أخرجہ : مسند احمد (٢/٤٠٣) (صحیح )