عقبہ بن عامر (رض) کہتے ہیں کہ رسول اللہ ﷺ نے فرمایا : جو جہر سے قرآن پڑھتا ہے وہ اس شخص کی طرح ہے جو اعلان کر کے صدقہ کرتا ہے، اور جو آہستہ قرآن پڑھتا ہے وہ اس شخص کی طرح ہے جو چھپا کر چپکے سے صدقہ کرتا ہے ١ ؎۔ تخریج دارالدعوہ : سنن ابی داود/الصلاة ٣١٥ (١٣٣٣) ، سنن الترمذی/فضائل القرآن ٢٠ (٢٩١٩) ، (تحفة الأشراف : ٩٩٤٩) ، مسند احمد ٤/١٥١، ١٥٨، ٢٠١، ویأتی عند المؤلف برقم : ٢٥٦٢ (صحیح ) وضاحت : ١ ؎: یہ صرف نفلی نماز ہے، ورنہ مغرب، عشاء، فجر اور جمعہ کی نماز میں جہر کرنا واجب ہے، جس طرح فرض و نفل صدقہ کا معاملہ ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 1663