ابی بن کعب (رض) کہتے ہیں رسول اللہ ﷺ وتر تین رکعت پڑھتے تھے، پہلی رکعت میں سبح اسم ربک الأعلى‏ دوسری رکعت میں قل يا أيها الکافرون اور تیسری میں قل هو اللہ أحد پڑھتے، اور دعائے قنوت رکوع سے پہلے پڑھتے، پھر جب (وتر سے) فارغ ہوجاتے تو فراغت کے وقت تین بار : سبحان الملک القدوس کہتے، اور ان کے آخر میں کھینچتے۔ تخریج دارالدعوہ : سنن ابی داود/الصلاة ٣٣٩ (١٤٢٣) (وعندہ ” قل للذین کفروا “ و ” اللہ الواحد الصمد “ )، ٣٤١ (١٤٣٠) سنن ابن ماجہ/الإقامة ١١٥ (١١٧١) ، (تحفة الأشراف : ٥٤، ٥٥) ، مسند احمد ٥/١٢٣، ویأتی عند المؤلف بأرقام : ١٧٠١، ١٧٠٢، ١٧٣٠، ١٧٣١ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 1699