ابراہیم بن محمد سے روایت ہے کہ انہوں نے اپنے والد کو بیان کرتے سنا کہ انہوں نے ام المؤمنین عائشہ رضی اللہ عنہا سے سنا ہے کہ رسول اللہ ﷺ ظہر سے پہلے کی چار رکعتیں، اور فجر سے پہلے کی دو رکعتیں نہیں چھوڑتے تھے۔ ابو عبدالرحمٰن (نسائی) کہتے ہیں : ہمارے نزدیک صحیح یہی ہے، اور عثمان بن عمر کی (پچھلی) روایت غلط ہے، واللہ اعلم۔ تخریج دارالدعوہ : صحیح البخاری/التہجد ٣٤ (١١٨٢) ، سنن ابی داود/الصلاة ٣٩٠ (١٢٥٣) ، (تحفة الأشراف : ١٧٥٩٩) ، مسند احمد ٦/٦٣، ١٤٨، سنن الدارمی/الصلاة ١٤٤ (١٤٧٩) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 1758