ام المؤمنین عائشہ رضی اللہ عنہا کہتی ہیں کہ جب مؤذن فجر کی پہلی اذان کہہ کر خاموش ہوجاتا تو رسول اللہ ﷺ کھڑے ہوتے، اور فجر نمودار ہونے کے بعد فجر کی نماز سے پہلے ہلکی ہلکی دو رکعتیں پڑھتے، پھر اپنے داہنے پہلو پر لیٹ جاتے ١ ؎۔ تخریج دارالدعوہ : صحیح البخاری/الأذان ١٥ (٦٢٦) ، والتھجد ٢٣ (١١٦٠) ، ٢٤ (١١٦١) ، والدعوات ٥ (٦٣١٠) ، (تحفة الأشراف : ١٦٤٦٥) (صحیح ) وضاحت : ١ ؎: اس حدیث میں نبی اکرم ﷺ کا عمل بیان کیا گیا ہے، اور ابوداؤد اور ترمذی کی ایک روایت میں جو صحیح سندوں سے مروی ہے اس کا حکم بھی آیا ہے جس سے مخالفین کی تاویل باطل ہوجاتی ہے، اور اس کے سنت ہونے میں کوئی کلام نہیں رہ جاتا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 1762