ام المؤمنین عائشہ رضی اللہ عنہا کہتی ہیں کہ ام حبیبہ بنت جحش نے رسول اللہ ﷺ سے مسئلہ دریافت کیا، اور عرض کیا : اللہ کے رسول ! مجھے استحاضہ کا خون آتا ہے (اس حالت میں کیا کروں ؟ ) آپ ﷺ نے فرمایا : یہ تو ایک رگ (کا خون) ہے، تم غسل کر کے نماز پڑھ لیا کرو، چناچہ وہ ہر نماز کے لیے غسل کرتی تھیں ۔ تخریج دارالدعوہ : صحیح مسلم/الحیض ١٤ (٣٣٤) ، سنن ابی داود/الطھارة ١١١ (٢٩٠) ، سنن الترمذی/فیہ ٩٦ (١٢٩) ، (تحفة الأشراف : ١٦٥٨٣) ، ویأتي عند المؤلف برقم : ٣٥٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 206