ابوذر رضی الله عنہ کہتے ہیں کہ نبی اکرم ﷺ نے فرمایا : تین شخص ایسے ہیں جن سے اللہ تعالیٰ قیامت کے دن نہ بات کرے گا، نہ ان کی طرف دیکھے گا، نہ ان کو پاک کرے گا، اور ان کے لیے درد ناک عذاب ہوگا ، پھر رسول اللہ ﷺ نے یہی آیت پڑھی۔ تو ابوذر (رض) نے کہا : وہ لوگ نامراد ہوئے، گھاٹے میں رہے، آپ نے فرمایا : (وہ تین یہ ہیں) اپنا تہبند ٹخنے کے نیچے لٹکانے والا، جھوٹی قسمیں کھا کھا کر اپنے سامان کو رواج دینے والا، اپنے دیے ہوئے کا احسان جتانے والا ۔ تخریج دارالدعوہ : صحیح مسلم/الإیمان ٤٦ (١٠٦) ، سنن ابی داود/اللباس ٢٧ (٤٠٨٧) ، سنن الترمذی/البیوع ٥ (١٢١١) ، سنن ابن ماجہ/التجارات ٣٠ (٢٢٠٨) ، (تحفة الأشراف : ١١٩٠٩) ، مسند احمد (٤/١٤٨، ١٥٨، ١٦٢، ١٦٨، ١٧٨) ، سنن الدارمی/البیوع ٦٣ (٢٦٤٧) ، ویأتی عند المؤلف فی البیوع ٥ (برقم : ٤٤٦٣، ٤٤٦٤) وفی الزینة ١٠٤ (برقم ٥٣٣٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 2563