عبداللہ بن عمر (رض) کہتے ہیں کہ عثمان (رض) عنہ نے کہا : میں نے رسول اللہ ﷺ کو فرماتے سنا کہ کسی مسلمان کا خون حلال نہیں مگر تین صورتوں میں : ایک وہ شخص جس نے شادی شدہ ہونے کے بعد زنا کیا تو اسے رجم کیا جائے گا، یا جس نے جان بوجھ کر قتل کیا تو اس کو اس کے بدلے میں قتل کیا جائے گا، یا وہ شخص جو اسلام لانے کے بعد مرتد ہوگیا، تو اسے بھی قتل کیا جائے گا۔ تخریج دارالدعوہ : تفرد بہ النسائي (تحفة الأشراف : ٩٨٢١) ، مسند احمد (١/٦٣) (صحیح ) وضاحت : ١ ؎: مرتد کے سلسلہ میں اجماع ہے کہ اسے قتل کرنا واجب ہے، اس سلسلہ میں کسی کا اختلاف نہیں ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 4057