صفوان بن امیہ (رض) کہتے ہیں کہ انہوں نے بیت اللہ کا طواف کیا، پھر نماز پڑھی، پھر اپنی چادر لپیٹ کر سر کے نیچے رکھی اور سو گئے، ایک چور آیا اور ان کے سر کے نیچے سے چادر کھینچی، انہوں نے اسے پکڑ لیا اور نبی اکرم ﷺ کے پاس لے کر آئے اور بولے : اس نے میری چادر چرائی ہے۔ نبی اکرم ﷺ نے اس سے فرمایا : کیا تم نے ان کی چادر چرائی ہے ؟ وہ بولا : ہاں، آپ نے (دو آدمیوں سے) فرمایا : اسے لے جاؤ اور اس کا ہاتھ کاٹ دو ۔ صفوان (رض) نے کہا : میرا مقصد یہ نہ تھا کہ میری چادر کے سلسلے میں اس کا ہاتھ کاٹا جائے، آپ ﷺ نے ان سے فرمایا : یہ کام پہلے ہی کیوں نہ کرلیا ۔ اشعث نے عبدالملک کے برخلاف (ابن عباس (رض) کی حدیث سے) اس کو روایت کیا ہے۔ تخریج دارالدعوہ : انظر حدیث رقم : ٤٨٨٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 4881