ام المؤمنین عائشہ رضی اللہ عنہا کہتی ہیں کہ قریش کو اس مخزومی عورت کے معاملے نے فکر میں ڈال دیا جس نے چوری کی تھی۔ ان لوگوں نے کہا کہ اس کے بارے میں رسول اللہ ﷺ سے کون بات چیت کرے گا ؟ لوگوں نے کہا : آپ سے بات چیت کی جرات آپ کے محبوب اسامہ کے سوا کون کرسکتا ہے ؟ چناچہ اسامہ (رض) نے آپ سے عرض کیا تو آپ نے فرمایا : کیا تم اللہ کی حدود میں سے کسی حد میں سفارش کرتے ہو ؟ پھر آپ کھڑے ہوئے، خطبہ دیا اور فرمایا : تم سے پہلے کے لوگ صرف اس لیے ہلاک و برباد ہوگئے کہ ان کا معزز آدمی چوری کرتا تو اسے چھوڑ دیتے اور جب ان کا کمزور آدمی چوری کرتا تو اس پر حد نافذ کرتے، اللہ کی قسم ! اگر فاطمہ بنت محمد بھی چوری کرتی تو میں اس کا ہاتھ کاٹ دیتا ۔ تخریج دارالدعوہ : صحیح البخاری/الأنبیاء ٥٤ (٣٤٧٥) ، فضائل الصحابة ١٨ (٣٧٣٢) ، الحدود ١١ (٦٧٨٧) ، ١٢ (٦٧٨٨) ، صحیح مسلم/الحدود ٢ (١٦٨٨) ، سنن ابی داود/الحدود ٤ (٤٣٧٣) ، سنن الترمذی/الحدود ٦ (١٤٣٠) ، سنن ابن ماجہ/الحدود ٦ (٢٥٤٧) ، (تحفة الأشراف : ١٦٥٧٨) ، سنن الدارمی/الحدود ٥ (٢٣٤٨) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 4899